إعدادات العرض
Lallai mutane idan suka ga azzalumi ba su yi riƙo da hannayensa ba, ya kusa Allah Ya gamesu da uƙuba daga gare shi
Lallai mutane idan suka ga azzalumi ba su yi riƙo da hannayensa ba, ya kusa Allah Ya gamesu da uƙuba daga gare shi
Daga (Sayyidina) Abubakar Siddiƙ - Allah Ya yarda da shi - cewa shi ya ce: yaku mutane, lallai ku kuna karanta wannan ayar: {Yaku waɗanda suka yi imani ku lazimci kawunanku wanda ya ɓata ba zai cutar daku ba idan kun shiriya}, lallai ni na ji manzon Allah - tsira da amincin Allah su tabbata agare shi - yana cewa: "Lallai mutane idan suka ga azzalumi ba su yi riƙo da hannayensa ba, ya kusa Allah Ya gamesu da uƙuba daga gare shi".
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Kiswahili Português සිංහල Tiếng Việt دری অসমীয়া ไทย አማርኛ Svenska Кыргызча Yorùbá ગુજરાતી नेपाली മലയാളം Oromoo Română Nederlands Soomaali پښتو తెలుగుالشرح
(Sayyidina) Abubakar Siddiƙ - Allah Ya yarda da shi - yana bada labari: Cewa mutane suna karanta wannan ayar: {Yaku waɗanda suka yi imani ku lizimci kawunanku, wanda ya ɓata ba zai cutar daku ba idan kun shiriya} [al-Ma'ida: 105]. Suna fahimta daga ayar cewa ya wajaba ga mutum ya yi ƙoƙari ya gyara kansa kawai, kuma ɓatan wanda ya ɓata ba zai cutar da shi ba bayan hakan, kuma su ba’a nema daga gare su su yi umarni da kyakkyawa kuma su hana mummuna ba. Sai ya sanar da su cewa ita ayar ba haka take ba, cewa shi ya ji annabi - tsira da a mincin Allah su tabbata agare shi - yana cewa: Lallai mutane idan suka ga azzalimi ba su hana shi zalincin ba, kuma suna da iko akan hana shin, ya kusa Allah Ya game su baki ɗaya da uƙuba daga gareShi, mai aikata abin ƙin, da mai yin shiru bai hana ba.فوائد الحديث
Wajibin akan musulmai shi ne yin nasiha da horo da aikin alheri da kuma hani daga abin ƙi.
Uƙubar Allah mai gamewa tana haɗo azzalimi dan zalincinsa, kuma tana haɗo mai yin shiru daga yin inkari, idan ya kasance mai iko ne akan yin inkarin.
Sanar da bakiɗayan mutane da fahimtar da su nassosin AlKur'ani ta ingantacciyar fuska gare su.
Yana wajaba akan mutum kula da fahimtar littafin Allah - Mai girma da ɗaukaka -, dan kada ya fahimce shi ta hanyar da Allah - Maɗaukakin sarki - ba haka yake nufi ba.
Shiriya ba ta tabbata tare da barin horo da aikin alheri da kuma hani daga abin ƙi.
Tafsirin daidai ga ayar: Ku lazimci kiyaye kawunanku daga saɓo, idan kun kiyaye kawunanku to ɓatan wanda ya ɓata ta hanyar aikata abubuwan da aka hana ba zai gajiyar daku ba, idan kun gajiya daga horo da aikin alheri da kuma hani daga abin ƙi, idan kun gane laifi kuma kun nisance shi.