إعدادات العرض
जब मानिसहरूले अत्याचारीलाई अन्याय गरिरहेको देख्छन् र उसलाई रोक्दैनन् भने सम्भावना हुन्छ कि छिट्टै नै अल्लाहले…
जब मानिसहरूले अत्याचारीलाई अन्याय गरिरहेको देख्छन् र उसलाई रोक्दैनन् भने सम्भावना हुन्छ कि छिट्टै नै अल्लाहले उनीहरूमाथि यातना पठाउनु हुनेछ।
अबू-बकर सिद्दीक (रजियल्लाहु अन्हु) ले बयान गरेका छन्, उनले भने: हे मानिसहरू! तपाईंहरु यो आयत पढ्नुहुन्छ: {हे आस्थावानहरू हो, आफ्नो चिन्ता गर, यदि तिमी सही बाटोमा छौ भने पथभ्रष्टहरूले तिमीहरूलाई कुनै हानि पुर्याउन सक्दैनन् }, र मैले रसूल (सल्लल्लाहु अलैहि वसल्लम) ले यो भन्दै गरेको सुनेको छु: "जब मानिसहरूले अत्याचारीलाई अन्याय गरिरहेको देख्छन् र उसलाई रोक्दैनन् भने सम्भावना हुन्छ कि छिट्टै नै अल्लाहले उनीहरूमाथि यातना पठाउनु हुनेछ।"
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල Tiếng Việt دری অসমীয়া Svenska Кыргызча Yorùbá ગુજરાતી മലയാളം Română Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Čeština Magyar Українська Македонски Lietuvių Azərbaycan Wolof Malagasy Oromoo ไทย Deutsch मराठी ਪੰਜਾਬੀ አማርኛ ភាសាខ្មែរ Shqip தமிழ்الشرح
अबू-बकर सिद्दीक (रजियल्लाहु अन्हु) ले बयान गरेका छन् कि मानिसहरूले यो आयत पढ्छन्: {हे आस्थावानहरू हो ! तिमीहरू आफ्नो चिन्ता गर; यदि तिमीहरू मार्गनिर्देशित छौ भने, पथभ्रष्टहरूले तिमीहरूलाई कुनै हानि पुऱ्याउने छैनन् ।} [अल-माइदह: १०५] केही मानिसहरूले यो आयतको अर्थ यसरी लिन्छन् कि मानिसले केवल आफ्नो आत्म-सुधारमा मात्र ध्यान दिनुपर्छ, र त्यसपछि अरू कोही मार्गभ्रष्ट भए पनि त्यसले उसलाई कुनै हानि हुने छैन, र त्यसैगरी उनीहरूमाथि 'सत्कर्मको आदेश दिने र दुष्कर्मबाट मनाही' गर्ने जिम्मेवारी रहँदैन! तर, अबू बकर (रजियल्लाहु अन्हु) ले स्पष्ट पार्नुभयो कि आयतको अर्थ त्यस्तो होइन बरु उनले नबी (सल्लल्लाहु अलैहि वसल्लम) ले भन्दै गरेको सुनेको थिए: जब मानिसहरूले अत्याचारीलाई अन्याय गरिरहेको देख्छन् र रोक्न सक्ने शक्ति हुँदाहुँदै पनि रोक्दैनन्, तब अल्लाहले अत्याचार गर्ने र त्यसबारे मौन बस्ने सबैलाई सजाय दिने सम्भावना हुन्छ।فوائد الحديث
एकअर्काप्रति सद्भावना राख्नु, असल कार्यको आदेश दिनु र गलत कार्यबाट रोक्नु मुस्लिमहरूको कर्तव्य हो।
अल्लाहको अजाब (सजाय) अत्याचारीलाई उसको अन्यायका कारण र रोक्ने शक्ति हुँदाहुँदै पनि आवाज नउठाउने व्यक्ति, दुवैका लागि हुन्छ।
सामान्य मानिसहरूलाई असल ज्ञान र कुर्आनको सही अर्थ र व्याख्या सिकाउनु पर्छ ।
मानिसले अल्लाहको किताबलाई बुझ्नमा ध्यान दिनु आवश्यक छ, ताकि त्यसलाई अल्लाहले चाहनुभएको अर्थभन्दा फरक ढङ्गले नबुझियोस्।
असल कुराको उपदेश दिने र नराम्रो कामबाट मनाही गर्ने कार्य छोडेमा मार्गदर्शन प्राप्त हुँदैन।
यो आयतको सही व्याख्या के हो भने: तपाईंहरूले आफूलाई पापहरूबाट बचाउन प्रतिबद्ध हुनुपर्छ। यदि तपाईंले आफूलाई संयमित राख्नुभयो भने, तपाईँहरूले सत्कर्मको आदेश दिन र दुष्कर्मबाट रोक्न नसके पनि तपाईँहरूलाई कुनै हानि हुनेछैन । जब तपाईँहरू स्वयं ती निषिद्ध कुराहरूबाट बच्नका लागि मार्गदर्शित हुनुहुन्छ, तब ती निषिद्ध कुराहरू गरेर कोही पथभ्रष्ट हुन्छ भने त्यसले तपाईँहरूलाई कुनै हानि पुऱ्याउँदैन ।