إعدادات العرض
‘မုနာဖိက်’ အရေခြုံမွတ်စ်လင်မ်၏ ပမာသည် ဆိတ်အုပ် နှစ်အုပ်ကြားထဲ၌ မည်သည့်ဘက်လိုက်ရမည်ကို မသိသည့်…
‘မုနာဖိက်’ အရေခြုံမွတ်စ်လင်မ်၏ ပမာသည် ဆိတ်အုပ် နှစ်အုပ်ကြားထဲ၌ မည်သည့်ဘက်လိုက်ရမည်ကို မသိသည့် ဆိတ်ကဲ့သို့ဖြစ်သည်။
အစ်ဗ်နုအုမရ် (ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်။ ‘မုနာဖိက်’ အရေခြုံမွတ်စ်လင်မ်၏ပမာသည် ဆိတ်အုပ်နှစ်အုပ်ကြားထဲ၌ မည်သည့်ဘက်လိုက်ရမည်ကိုမသိသည့် ဆိတ်ကဲ့သို့ဖြစ်သည်။ ၎င်းသည် တစ်ကြိမ်တွင် ဤအုပ်စုဆီသို့သွားပြီး နောက်တစ်ကြိမ်တွင် နောက်အုပ်စုဆီသို့သွားသည်။
[ဤဟဒီးဆ်သည် ဆွဟီးဟ် အဆင့်ရှိသည်။] [မွတ်စ်လင်မ်ကျမ်း။]
الترجمة
عربي English Svenska cs ગુજરાતી አማርኛ Yorùbá Nederlands اردو Español Bahasa Indonesia ئۇيغۇرچە বাংলা Türkçe Bosanski සිංහල हिन्दी Tiếng Việt Hausa മലയാളം తెలుగు Kiswahili ไทย پښتو অসমীয়া Shqip دری el bg ff it kn Кыргызча Lietuvių mg or ro rw Soomaali Српски тоҷикӣ uz नेपाली mosالشرح
တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)သည် ‘မုနာဖိက်’ အရေခြုံမွတ်စ်လင်မ်အား ဆိတ်နှစ်အုပ်ကြားတွင် မည်သည့်နောက်သို့လိုက်ရမည်ကို မသိဘဲ သို့လောသို့လော ဖြစ်နေသည့် ဆိတ်ဖြင့် ပမာပေးတော်မူခဲ့သည်။ ၎င်းသည် ဤအုပ်စုဘက်သို့ တစ်ခေါက်သွားလိုက် ထိုအုပ်စုဘက်သို့ တစ်ခေါက်သွားလိုက်ဖြင့် ဝေခွဲမရဖြစ်နေသည်။ ဤသည် အလ္လာဟ်အရှင်မြတ် မိန့်တော်မူထားသည့်အတိုင်းပင်ဖြစ်သည်။ (ယင်း ‘မုနာဖစ်က်’ အယောင်ဆောင် မွတ်စ်လင်မ်တို့သည်) ‘အီမာန်’ ယုံကြည်မှုနှင့် ‘ကုဖ်ရ်’ မယုံမကြည် သွေဖည်ငြင်းပယ်မှု၏ စပ်ကြားဝယ် (မည်သည့်ဘက်ကိုမျှ) အတိအကျ စိတ်ဆုံးဖြတ်နိုင်ခြင်းမရှိဘဲ၊ ထိုဘက်မရောက်၊ ဤဘက်မရောက် (သို့လော၊ သို့လော ယုံမှားသံသယတည်းဟူသော ‘ဝီစိကိစ္ဆာ’ စိတ်နှစ်ခွထားရှိသူများ) ဖြစ်နေကြကုန်၏။) ကုရ်အာန် (၄:၁၄၃) ၎င်း၏အဓိပ္ပါယ်မှာ မုနာဖိက်တို့သည် အီမာန် သက်ဝင်ယုံကြည်မှုနှင့် ‘ကုဖ်ရ်’ သွေဖည်ငြင်းပယ်မှုကြား၌ ဝေခွဲမရသူများဖြစ်ကြသည်။ ၎င်းတို့သည် မုအ်မင်န်ယုံကြည်သူများနှင့် အတွင်း၊အပြင်နှစ်ခုစလုံးတွင် တူညီမှုမရှိသလို ကာဖိရ်သွေဖည်ငြင်းပယ်သူများနှင့်လည်း အတွင်း၊အပြင် နှစ်ခုစလုံးတွင် တူညီမှုမရှိပေ။ သို့သာမက ၎င်းတို့၏ အပေါ်ယံသည် မုအ်မင်န်ယုံကြည်သူများကဲသို့ဖြစ်ပြီး စိတ်အတွင်းပိုင်းသည် ကာဖိရ် သွေဖည်ငြင်းပယ်သူများကဲ့သို့ဖြစ်သည်။ ၎င်းတို့အနက် အချို့သည် ဒွိဟသံသယရှိသူများဖြစ်ကြသည်။ ထို့ကြောင့် ၎င်းတို့သည် တစ်ခါတစ်ရံ မုအ်မင်န်များဘက်သို့ တိမ်းညွတ်ပြီး တစ်ခါတစ်ရံ ကာဖိရ်များဘက်သို့ တိမ်းညွတ်ကြသည်။فوائد الحديث
အနီးစပ်ဆုံး နားလည်ရန်နှင့် ရှင်းပြရန်အတွက် ဥပမာပေးခြင်းသည် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)၏ နည်းစနစ်ပင်ဖြစ်သည်။
‘မုနာဖိက်’ အရေခြုံမွတ်စ်လင်မ်များ၏ စိတ်နှစ်ခွဖြစ်မှု၊ သံသယဖြစ်မှု၊ မတည်ငြိမ်မှု စသည့်အခြေအနေများကို ရှင်းပြထားသည်။
التصنيفات
နိဖာက် အရေခြုံခြင်း။