إعدادات العرض
O djalosh! Thuaj "bismilah", ha me të djathtën dhe ha pranë vetes!
O djalosh! Thuaj "bismilah", ha me të djathtën dhe ha pranë vetes!
Omer ibn Ebu Seleme (Allahu qoftë i kënaqur me të!) tregon: "Isha djalosh i vogël nën përkujdesjen e të Dërguarit të Allahut ﷺ. Teksa hanim, dora ime shkonte andej-këndej nëpër pjatë. I Dërguari i Allahut ﷺ më tha: “O djalosh! Thuaj "bismilah", ha me të djathtën dhe ha pranë vetes!” Që nga ai çast, vazhdimisht veproj ashtu gjatë ngrënies.”
الترجمة
عربي Bosanski English فارسی Français Bahasa Indonesia Русский Türkçe اردو हिन्दी 中文 বাংলা ئۇيغۇرچە Español Kurdî Português മലയാളം తెలుగు Kiswahili தமிழ் සිංහල မြန်မာ ไทย 日本語 پښتو Tiếng Việt অসমীয়া Svenska cs ગુજરાતી አማርኛ Yorùbá Nederlands Hausa دری Кыргызча Lietuvių rw so नेपाली mgالشرح
Omer ibn Ebu Seleme (Allahu qoftë i kënaqur me të!) ishte i biri i gruas së Profetit ﷺ dhe jetonte nën edukimin dhe përkujdesjen e tij. Në këtë hadith, ai e përmendi se i lëvizte duart në të gjithë pjatën për të marrë ushqim andej-këndej. Prandaj, Profeti ﷺ ia mësoi atij këto tri rregulla të edukatës së të ngrënit: 1. Përmendja e emrit të Allahut "Bismilah", në fillim të ngrënies. 2. Ngrënia me dorën e djathtë. 3. Të hajë nga ajo që është më afër tij, sepse është e paedukatë të hajë para atij që e ka pranë. Megjithatë, dijetarët kanë thënë se, po qe se ka disa lloje ushqimesh, fjala vjen, kungull, patëllxhan dhe mish, atëherë nuk ka asgjë të keqe nëse e zgjat dorën për të marrë këtë e atë ushqim e të hash para tij nga ky lloj i ushqimit. Po kështu, nëse dikush ha vetëm, lejohet të zgjedhë ushqimin nga ana tjetër, sepse në këtë rast nuk do të shqetësojë askënd.فوائد الحديث
Prej rregullave të të ngrënit është të fillohet me "Bismilah" (përmendjen e emrit të Allahut).
Është obligim të hahet me dorën e djathtë dhe është e ndaluar të hahet me dorën e majtë, përveç nëse ka ndonjë arsye (të pranueshme), sepse Profeti ﷺ ka thënë: “Askush prej jush të mos hajë me dorën e majtë dhe të mos pijë me dorën e majtë, sepse vërtet shejtani ha me dorën e majtë dhe pi me dorën e majtë.” Imitimi i shejtanit është i ndaluar, e ai që imiton një populli, është prej tyre.
Rekomandohet që injorantët të mësohen, qofshin të rinj, qofshin të moshuar, veçanërisht ata që janë nën kujdesin e ndonjë njeriu.
Pjesë e edukatës së të ngrënit është që njeriu të hajë para vetes dhe të mos kalojë në anët e tjera.
Sahabët (Allahu qoftë i kënaqur me ta!) u përmbaheshin rregullave që ua jepte Profeti ﷺ, e kjo përfitohet nga fjala e Omerit: "Që nga ai çast, vazhdimisht veproj ashtu gjatë ngrënies.”