الشرح

အဗူဟုရိုင်ရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်) မိန့်တော်မူသည်မှာ မိမိဆွလာသ်အား ခိုးဝှက်သူသည် အဆိုးရွားဆုံး ခိုးဝှက်သူပင်ဖြစ်သည်။ ထိုအခါ အဗူဟုရိုင်ရဟ်က ဆွလာသ်အား မည်သို့ခိုးဝှက်ပါသနည်းဟု မေးလျှောက်ခဲ့ရာကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)က‘ရုကူအ်’ ဦးညွှတ်ခြင်းနှင့် ‘စဂ်ျဒဟ်’ ဦးချခြင်းတို့အား ကောင်းမွန်ကျနစွာ မပြုလုပ်သူသည် ဆွလာသ်အား ခိုးဝှက်သူပင်ဖြစ်သည်ဟု ဖြေကြားတော်မူခဲ့သည်။ ၎င်းသည် ရုကူအ်နှင့် စဂ်ျဒဟ်ကို ကြက်အစာကောက်သကဲ့သို့ပြုလုပ်သည်။ ဤတွင် ရုကူအ်နှင့် စဂ်ျဒဟ်၌ ကျောရိုးကို တည့်မတ်စွာမထားခြင်းလည်း ပါဝင်သည်။ သို့ဖြစ်၍ ရှရီအဟ် တရားတော်က ထိုလုပ်ရပ်ကို ဟရာမ်ဖြစ်ကြောင်း သတိပေးရန်နှင့် ၎င်းမှ ရှောင်ကြဉ်နိုင်စေရန်အတွက် ထိုလုပ်ရပ်ကို အဆိုးရွားဆုံး ခိုးဝှက်ခြင်းဖြစ်သည်ဟု သတ်မှတ်ခဲ့သည်။ ဆွလာသ်ဆောက်တည်ရာတွင် ရုကူအ်နှင့် စဂ်ျဒဟ်တွင် ကျောရိုးကိုဖြောင့်မတ်စွာမထားသူ၏ဆွလာသ်သည် အထမြောက်မည် မဟုတ်ကြောင်းကို တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က ရှင်းလင်းစွာမိန့်ကြားထားတော်မူသည်။ အစ်ဗ်နုမတ်စ်အူးဒ်(ရဿွိယလ္လာဟုအန်ဟု)ဆင့်ပြန်ခဲ့သည့် ဟဒီးဆ်တော်တွင်လာရှိသည်မှာ (ရုကူအ်နှင့် စဂ်ျဒဟ်တွင် မိမိကျောကုန်းကို ဖြောင့်မတ်စွာမထားသူ၏ဆွလာသ်သည် အထမြောက်မည်မဟုတ်ပါ။) ဤကဏ္ဍနှင့်ပတ်သက်၍ ဟဒီးဆ်တော် အမြောက်အများလာရှိထားသည်။