الشرح

एक प्रतिनिधि मण्डल रसूल (सल्लल्लाहु अलैहि वसल्लम) कहाँ आयो । त्यहाँ पुगेपछि उनीहरूले उहाँको प्रशंसामा केही यस्ता कुरा भने, जुन उहाँलाई मन परेनन् । उनीहरूले भने : तपाईं हाम्रो ‘सय्यिद ’ (मालिक) हुनुहुन्छ । रसूल (सल्लल्लाहु अलैहि वसल्लम) ले उनीहरूलाई भन्नुभयो : "सय्यिद (मालिक) अल्लाह हुनुहुन्छ ।" सृष्टि र ब्रह्माण्डमा उहाँको पूर्ण प्रभुत्व छ र सम्पूर्ण सृष्टि उहाँका दासहरू हुन् । उनीहरूले भने : "तपाईं हामीमध्ये प्रतिष्ठित हुनुहुन्छ ।" अर्थात हामीमध्ये हजुर सबैभन्दा सम्मानित, प्रतिष्ठित र लाभकारी हुनुहुन्छ । त्यसपछि उनीहरूले भने : "हजुर हामीमध्ये सबैभन्दा प्रतिष्ठित, उच्च वर्ग र सबैभन्दा सम्मानित हुनुहुन्छ ।" त्यसपछि नबी (सल्लल्लाहु अलैहि वसल्लम) ले तिनीहरूलाई चलनचल्तीमा रहेका सामान्य शब्दले सम्बोधन गर्न र गार्हो शब्दहरूको पछि नपर्न निर्देशन दिनुभयो । नत्र शैतानले उनीहरूलाई बढाइचढाइको बाटोमा डोर्‍याउँछ, जसले शिर्क र त्यसका साधनहरूतर्फ लैजान्छ ।