فوائد الحديث

აკრძალვა იმისა, რომ სახლები მოკლებულ იქნას მათში უზენაეს ალლაჰზე თაყვანისცემისგან.

მოგზაურობის აკრძალვა მხოლოდ მოციქულის (ალლაჰის ლოცვა დ მშვიდობა მას) საფლავის მონახულების მიზნით, რადგან მან უბრძანა, რომ მორწმუნეებმა მისთვის ილოცონ, და აღნიშნა, რომ მათი ლოცვები მას მიეწოდება, სადაც არ უნდა იმყოფებოდნენ ისინი. მოგზაურობა საჭიროა მხოლოდ მეჩეთის მონახულებისა და იქ ლოცვის მიზნით და არა საფლავის მოსანახულებლად.

ალლაჰის მოციქულის (ალლაჰის ლოცვა და მშვიდობა მას) საფლავის მონახულების დღესასწაულად გადაქცევის აკრძალვა, სადაც რეგულარულად და განსაზღვრულ დროს ხდება მისი მონახულება. ეს გაფრთხილება ასევე ვრცელდება სხვა საფლავების მონახულებაზეც.

მოციქული მუჰამმადის (ალლაჰის ლოცვა და მშვიდობა მას) დაფასება ალლაჰის მიერ იმით, რომ მისთვის ლოცვისა და სალამის გაგზავნა ნებისმიერ დროს და ადგილას კანონიერად არის განსაზღვრული.

რადგან საფლავებთან ლოცვის აკრძალვა იყო დამტკიცებული და ცნობილი საჰაბეებში (მოციქულის თანამგზავრებში), მოციქულმა მუჰამმადმა (ალლაჰის ლოცვა და მშვიდობა მას) აკრძალა სახლების საფლავებად ქცევა, სადაც ლოცვა არ აღევლინება.