إعدادات العرض
((بۆ چ موسلمانان یا حه‌لال نینه ئه‌و ژ سێ شه‌ڤان زێده‌تر ژ برایێ خۆ سل ببيت و پشتا خۆ بده‌تێ و د گه‌ل نه‌ئاخڤیت، دێ گه‌هنه ئێك و ئه‌ڤه دێ پشتا خۆ ده‌ته ڤی و…
((بۆ چ موسلمانان یا حه‌لال نینه ئه‌و ژ سێ شه‌ڤان زێده‌تر ژ برایێ خۆ سل ببيت و پشتا خۆ بده‌تێ و د گه‌ل نه‌ئاخڤیت، دێ گه‌هنه ئێك و ئه‌ڤه دێ پشتا خۆ ده‌ته ڤی و یێ دی دێ پشتا خۆ ده‌ته وی، باشترینێ وان ژی ئه‌وه یێ ده‌ستپێكێ سلاڤ دكه‌ت))
ژ ئه‌بو ئه‌یووبێ ئه‌نصاڕی (خودێ ژێ ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت: ((بۆ چ موسلمانان یا حه‌لال نینه ئه‌و ژ سێ شه‌ڤان زێده‌تر ژ برایێ خۆ سل ببيت و پشتا خۆ بده‌تێ و د گه‌ل نه‌ئاخڤیت، دێ گه‌هنه ئێك و ئه‌ڤه دێ پشتا خۆ ده‌ته ڤی و یێ دی دێ پشتا خۆ ده‌ته وی، باشترینێ وان ژی ئه‌وه یێ ده‌ستپێكێ سلاڤ دكه‌ت)).
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Kurdî Hausa Português മലയാളം తెలుగు Kiswahili தமிழ் မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands ئۇيغۇرچە සිංහල دری Fulfulde Magyar ಕನ್ನಡ Кыргызча Lietuvių or Română Kinyarwanda Српски O‘zbek Moore नेपाली Wolof Soomaali Български Українська Azərbaycan ქართული тоҷикӣ Bambara Македонски Ελληνικά ភាសាខ្មែរ አማርኛ Malagasy Oromoo ไทย मराठी ਪੰਜਾਬੀ Lingala Italiano yao Akanالشرح
پێغه‌مبه‌ری (صه‌لات و سه‌لامێن خودێ ل سه‌ر بن) پاشڤه‌برن ژ هندێ كر كو مرۆڤێ موسلمان زێده‌تر ژ سێ شه‌ڤان برایێ خۆ یێ موسلمان بهێلیت و پشتا خۆ بده‌تێ، وه‌سا كو هه‌ردوو بگه‌هنه ئێك و سلاڤ نه‌كه‌نه ئێك و د گه‌ل ئێك نه‌ئاخڤن. باشترینێ ڤان دوو كه‌سێن دلێ وان ژێك مایی ئه‌وه یێ بزاڤێن نه‌هێلانا ڤێ دلمان و هیلانێ دكه‌ت و ده‌ستپێكێ سلاڤ دكه‌ت، مه‌ره‌م ب هێلانێ (هه‌جركرنێ) ل ڤێرێ ئه‌و هێلانه یا ژ به‌ر حه‌زا نه‌فسێ بیت، به‌لێ هندیكه ئه‌و هێلانه یا مرۆڤ ژ به‌ر خودایێ مه‌زن دكه‌ت، وه‌كی هێلانا گونه‌هكار و بیدعه‌چی و هه‌ڤالێن خراب، ئه‌ڤێ هێلانێ چ ده‌م بۆ نه‌هاتینه دیار كرن و ب چ ده‌مانڤه یا گرێدایی نینه، به‌لكی یا گرێداییه ب وێ به‌رژه‌وه‌ندییێڤه یا ل سه‌ر هێلانێ ئاڤا دبیت و ئه‌گه‌ر به‌رژه‌وه‌ندی نه‌ما؛ هنگی هێلان (هه‌جر) ژی نامینیت و نابیت بهێته كرن.فوائد الحديث
ئه‌گه‌رێ حه‌لالبوونا هێلان و پشتدانێ بۆ سێ ڕۆژان و كێمتر بۆ به‌رچاڤ وه‌رگرتنا سروشتێ مرۆڤی دزڤڕیت (چونكی ده‌ستپێكا دلمانێ مرۆڤ یێ گه‌رمه و ب سروشتێ خۆ نه‌شێت ئێكسه‌ر ل كه‌سێ به‌رامبه‌ر ببووریت و لێ بزڤڕیت)، له‌وا شه‌ریعه‌ت ل مرۆڤی ناگریت سێ شه‌ڤان ژ برایێ خۆ یێ موسلمان سل بیت و پشتا خۆ بده‌تێ؛ دا ئه‌ڤ كه‌ربه و ئه‌ڤ تشتێ بوویه ئه‌گه‌رێ هێلانێ بچیت و نه‌مینیت.
قه‌در و بها و خێرا سلاڤكرنێ و كو ئه‌و وی تشتێ د دلیدا په‌یدابووی (ژ كه‌رب و نه‌ڤیانێ) ناهێلیت و كو ئه‌و نیشانه‌كه ل سه‌ر ڤیان و حه‌زژێكرنێ.
ڕژدبوونا ئیسلامێ ل سه‌ر برایینی و بهێزبوونا په‌یوه‌ندییێن موسلمانان.