Ned ning sẽn wa n tʋg n wõns a meng ne neba, yẽ me lebga bãmba

Ned ning sẽn wa n tʋg n wõns a meng ne neba, yẽ me lebga bãmba

Yii a Ʋmar biig nengẽ, -Wẽnd yard be b yiibã yĩnga-,a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: "Ned ning sẽn wa n tʋg n wõns a meng ne neba, yẽ me lebga bãmba".

[Hasanʋn (be neere)] [A Abʋʋ Daawʋʋd la a Ahmad n togs-a]

الشرح

Nabiyaamã -Wẽnd pʋʋsg la A tɩlgr be a yĩnga- kõta kibare tɩ ned ning sẽn wa n tʋg n wõns a meng ne ned kɩfr-rãmbẽ wã, maa dĩin yitbẽ wã, maa nin-sõmbsẽ wã, la rẽnda yaa sẽn na n maan neb bãmbã sẽn maanda a soabã, sẽn yaa loεεga la tũudum la yel-minimidsi, rẽnd yẽ me lebga wala bãmbã, bala wõns f mengã ne bãmbã yɩngã, a tallada foom n kẽng tɩ f tʋg n wõnes-b pʋgẽ, la sik ka be tɩ wõnes f meng ne nebã, a yẽgrã yaa b tʋʋmdã n ta f raabo, a tõeeme n tall-f n kẽng b nonglem la b zɩsgre la kɩll n tʋg b nengẽ, la woto a tallada neda t'a wõnes a meng ne-ba, halɩ n tʋg n tãag pʋgbã fãa gilli la tũudumẽ wã, -la Wẽnd na maand-d gũudum-.

فوائد الحديث

Hadiisã bugsdame n yit wõnesg ne kɩfr-rãmbã la dĩin-yitbã.

A kengdame tɩ f wõnes f meng ne nin-sõmã la f tik-ba.

Wilgdame tɩ wõnes f meng ne neb yɩngã a kẽesd-f lame tɩ f yɩ b nonglem pʋgẽ.

Ninsaal paamda pʋleng wẽng-kãngã la zunuubã sẽn zems yẽ me wõnesgã tεka la a kõbgã.

Gɩdgdame tɩ b ra wõnes kɩfr-rãmbã b dĩinẽ wã la b yel-minimdsẽ wã sẽn welg toor ne bãmbã, la sã n mikame tɩ yaa yel-minimsdsi sẽn ka welg toor ne bãmba wala nug-tʋʋmmd karengo la sẽn wõnd rẽ, ad yẽnda ka kẽed gɩdgrã pʋgẽ ye.

التصنيفات

Forbidden Emulation