فوائد الحديث

ఎవరైనా తన మనసులో ఏదైనా తప్పు లేదా పాపపు పని చేయాలని నిర్ణయించుకుని, దానికి అవసరమైన వనరులు సమకూర్చుకున్నట్లయితే, అటువంటి వారు కఠినమైన శిక్షకు పాత్రులు అవుతారు.

ఇందులో ముస్లిములు, ముస్లిములపై జగడానికి, దాడికి దిగరాదని కఠినమైన మందలింపు ఉన్నది, నరకాగ్నిలో వేయబడతారు అనే తీవ్రమైన హెచ్చరికా ఉన్నది.

అయితే షరియత్ ప్రకారం ఒక సత్యమైన హక్కు కొరకు లేదా ఒక సత్యమైన విషయం కొరకు, ఒక ముస్లింతో చేసే యుద్ధం, జగడం మొదలైనవి ఈ హెచ్చరిక క్రిందకు రాదు, ఉదాహరణకు క్రూరుడు, దౌర్జన్యపరుడు అయిన వానికి వ్యతిరేకంగా లేదా సమాజములో చెడును, అశాంతిని వ్యాపింపజేసే వానికి వ్యతిరేకంగా చేసే యుధ్ధము, దాడి మొదలైనవి.

‘ఘోరమైన పాపములుగా’ పరిగణించబడే పాపాలలో దేనికైనా పాల్బడే వాడు ‘కాఫిర్’గా (అవిశ్వాసిగా) మారిపోడు. ఎందుకంటే (ఈ హదీసులో) ప్రవక్త సల్లల్లాహు అలైహి వసల్లం ఒకరినొకరు చంపుకోవడానికి దిగిన ఇద్దరినీ ‘ముస్లిములు’ అనే పేర్కొన్నారు.

కత్తులతో గాక ఇంకే విధంగా నైనా సరే ఇద్దరు ముస్లిములు ఒకరిపై ఒకరు దాడికి దిగితే, అందులో ఒకరు మరొకరిని చంపితే, చంపిన వాడు మరియు చనిపోయిన వాడు, ఇద్దరూ నరకాగ్నిలో వేయబడతారు. ఈ హదీసులో పేర్కొనబడిన ‘కత్తి’ లేక ‘కరవాలము’ అనేది దానికి దారితీసే వనరులలో ఒకదానికి ఉదాహరణ.