الشرح

မွတ်စ်လင်မ်နှစ်ဦးသည် တစ်ဦးကိုတစ်ဦး သတ်ဖြတ်ရန် ရည်ရွယ်ချက်ဖြင့် ဓားကိုယ်စီဖြင့် ရင်ဆိုင်တိုက်ခိုက်ကြလျှင် သတ်သူသည် မိမိ၏ ပြိုင်ဘက်ကို သတ်လိုက်သည့်အတွက် ငရဲမီးသို့ ကျရောက်မည်ဖြစ်သည်။ အသတ်ခံရသူကလည်း ထိုသို့သတ်ဖြတ်ရန် ဆန္ဒပြင်းပြခဲ့သည့်အတွက် ငရဲမီးသို့ ကျရောက်မည်ဖြစ်သည်။ အကယ်၍ ထိုသို့တိုက်ခိုက်ခြင်းသည် အမှန်တရားအတွက် မဟုတ်ပါက အလ္လာဟ်အရှင်မြတ်ကလည်း ၎င်းတို့နှစ်ဦးအား ခွင့်မလွှတ်ခဲ့လျှင် နှစ်ဦးစလုံး ငရဲမီးသို့ကျရောက်မည်ဖြစ်သည်။ အလ္လာဟ်အရှင်မြတ် မိန့်တော်မူထားသည်မှာ - (သို့ရာတွင် အကယ်၍ ယင်းအုပ်စုနှစ်စု အနက်မှ အုပ်စုတစ်စုသည် (စစ်ပြေငြိမ်းမှုကို လက်မခံဘဲ ဆက်လက်၍) အခြားအုပ်စု အပေါ်၌ မတရား ကျူးကျော်လာခဲ့လျှင် အသင်တို့သည် ယင်းကျူးကျော်လျက်ရှိသော အုပ်စုကို ၎င်းတို့သည်အလ္လာဟ် အရှင်မြတ်၏ အမိန့်တော်ဘက်သို့ ပြန်၍ လှည့်လာကြသည်အထိ ပြိုင်ဆိုင်တိုက်ခိုက်ကြလေကုန်။) (ကုရ်အာန်- ၄၉ : ၉)