إعدادات العرض
Mu vyukuri, Imana Allah ntiraba ingene musa n'uko muremye, eka ntinaraba amatungo yanyu, ariko Iraba ibiri mu mitima yanyu hamwe n'ibikorwa vyanyu vyiza mwakoze
Mu vyukuri, Imana Allah ntiraba ingene musa n'uko muremye, eka ntinaraba amatungo yanyu, ariko Iraba ibiri mu mitima yanyu hamwe n'ibikorwa vyanyu vyiza mwakoze
Mu vyakiriwe na Abu Hurayra (Imana Allah Imwishimire) yavuze ko Intumwa y'Imana (nyakugira amahoro n'impuhwe z'Imana Allah) yavuze iti: "Mu vyukuri, Imana Allah ntiraba ingene musa n'uko muremye, eka ntinaraba amatungo yanyu, ariko Iraba ibiri mu mitima yanyu hamwe n'ibikorwa vyanyu vyiza mwakoze".
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Kurdî Hausa Português മലയാളം తెలుగు Kiswahili தமிழ் မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands ئۇيغۇرچە සිංහල دری Fulfulde Magyar ಕನ್ನಡ Кыргызча Lietuvių or Română Kinyarwanda Српски тоҷикӣ O‘zbek Moore नेपाली Oromoo Wolof Soomaali Български Українська Azərbaycan Bambara ქართული Македонски Ελληνικά ភាសាខ្មែរ Akan አማርኛ Malagasy ไทย मराठी ਪੰਜਾਬੀ Lingala Italiano Yao kmrالشرح
Umuvugishwamana (nyakugira amahoro n'impuhwe z'Imana Allah) aratomora ko Imana Allah Nyenukuninahazwa na Nyenuguhabwicubahiro nta ngere Itaraba ishusho n'indemo vy'abaja bayo; ko bihimbaye canke bidahimbaye ababibona! Ko bafise imibiri idoshe mininiminini canke inamvye mitomito! Canke ko imibiri yabo ifise amagara meza canke isinzikajwe n'indwara! Eka ntinaraba amatungo yabo, ko ari menshi canke make! Kuko Imana Allah Nyenintsinzi na Nyenicubahiro, ntizohanira abaja bayo canke ngo Ibaharurire kuri ibi bidondaguwe n'ukungene bagenda babisumbasumbanamwo, ahubwo nyabuna Iraba ibiri mu mitima yabo, mu kuba umuntu arangwa n'igamburukiramana, yizera nya kwizera, avuga ukuri, agira izirikanamana mu gihe c'ukurangura ibikorwa, canke mu kuba umuntu arangwa n'ukwiyerekana n'ukurondera kuyagwa neza n'abantu, Igaheza kandi Ikaraba ibikorwa vyabo bakora, mu kuba bitunganye canke vyononekaye; maze Ikavyakira Ikabibahembera canke Ikavyanka Ikabibarekera.فوائد الحديث
Ukwitwararika itunganya ry'umutima, hamwe n'isukura ryawo mu kuwusukura na birya bibi vyose biwusivya.
Itungana ry'umutima rigirwa n'izirikanamana "ikhlaasw", iryohora ry'ibikorwa rigirwa n'ugukurikira Umuvugishwamana (nyakugira amahoro n'impuhwe z'Imana Allah) "mutaaba'a", ivyo vyompi rero, ni vyo Imana Allah Nyenuguhabwicubahiro Iraba Ikanaha agaciro.
Umuntu burya ntakwiye kwihenda mu kwishimira amatungo yiwe, canke ubwiza bw'ishusho ryiwe, canke indemo y'umubiri wiwe, eka ntakwiye no kwishimira ikintu na kimwe mu bihendamaso vy'isi.
Ukwihaniza umuntu ko adakwiye kwitwararika gusa ishusho ry'ibiboneka yirengagiza itunganywa r'ibihishije mu mushaha.