إعدادات العرض

إخفاء الهيدر

إخفاء الفوتر

الوضع الليلي

सलाम (अभिवादन) र अनुमति माग्ने शिष्टाचार

सलाम (अभिवादन) र अनुमति माग्ने शिष्टाचार

1- एक मुस्लिमको अर्को मुस्लिममाथि पाँच अधिकारहरू छन्; सलाम (अभिवादन) को जवाफ फर्काउने, बिरामीलाई (हालखबर लिन) भेट्न जाने, जनाजा (अन्त्येष्टि) मा सहभागी हुने, निमन्त्रणा स्वीकार गर्ने र हाछ्युँ गर्नेलाई जवाफ1 दिने ।

2- “कुनै मान्छेको लागी आफ्नो भाइसँग तीन दिनभन्दा बढी बोलचाल बन्द राख्न जायज छैन । दुबै एक अर्कालाई भेट्छन् तर अर्कोतिर मुख फर्काएर बस्छन भने दुई मध्ये सबैभन्दा राम्रो त्यो हो जसले सलाम गर्नमा पहल गर्छ ।

3- यदि तिमीहरू मध्ये कसैको आफ्नो भाइसित भेट भयो भने उसलाई सलाम गरोस् । फेरि यदि उनीहरूको बीचमा कुनै रुख वा गारो वा ढुङ्गाले छेक्यो र पुनः भेट भयो उसलाई सलाम गरोस् ।

4- सवारले पैदलयात्रीलाई, पैदलयात्रीले बसेकालाई र सानो जमातले ठूलो जमातलाई सलाम गर्नेछन् ।

5- यहूदी र इसायीहरूलाई पहिला सलाम नगर । र यदि तिमी बाटोमा उनीहरूमध्ये कसैलाई भेट्छौ भने, तिनीहरूलाई साँघुरो ठाउँतर्फ जान बाध्य बनाऊ।

6- एक व्यक्तिले रसूल (सल्लल्लाहु अलैहि वसल्लम) लाई सोधे : इस्लामको सबैभन्दा राम्रो कर्म कुन हो ? उहाँले जवाफ दिनुभयो: "खाना खुवाउनु अनि परिचित र अपरिचित सबैलाई सलाम (अभिवादन) गर्नु ।