1- Ned ning sẽn loe Ramadaanã, ne liimaoongo (sɩd kũuni) la yel-sõmd tẽebo, b yaafd-a lame, a zunuubã sẽn reng taoorã

2- Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuub sẽn reng taoore

3- B mee lɩslɑɑngã zeng-raad a nu zugu

4- Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ

5- Nabiyaamã (Wẽnd pʋʋsg la A tɩlgr be a yĩngɑ) rag n yɩɩme n nidgd pãnga, rasem-pi-yaoogã pʋgẽ n yɩɩd zẽng sẽn ka bãmb pʋgẽ

6- Mam noangã, (Wẽnd pʋʋsg la A tɩlgr be a yĩngɑ) sagla maam ne yεl a tãabo: rasem a tãab no-loeer kiuug fãa, la Dʋhaa rakaar a yiibu, la m pʋʋs wɩtrã taoor tɩ m na n ka gũsi

7- Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a

8- Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ

9- Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), ra yɩɩme n yɩɩd nebã ne kũuni, la a kũunã sẽn tʋg n yɩɩda, yaa Ramadaan pʋgẽ, a sẽn wat n yeka a Gibriila

10- la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda

11- Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe

12- Nebã ka bakd n be sõma pʋgẽ, tɩ b sã n yãg ne no-kaoorã

13- Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandãanã ne sugrã rɩɩb sʋkã yaa wãnã? T'a yeele: yɑɑ Aayae pis-nu kɑreng alkadre

14- Tɩ Nabiyaamã (Wẽnd pʋʋsg la A tɩlgr be a yĩnga) a rag n yɩɩme n maan ɭɩtɩkaaf Ramadãanã rasem pi-yaoogã, halɩ tɩ Wẽnd wa reeg a yõorã, rẽ poorẽ a pagbã maana ɭɩtɩkaafo a loogrã poorẽ

15- Rɩ-y sugrã, tɩ ad sugrã rɩɩb pʋgẽ, bark n be beenẽ

16- Ra yãg-y n lʋɩɩs Ramadaanã n loe raar a yembre, maa rasem a yiib ye, sã n ka ned ning sẽn da maanda no-loeere, bɩ a loe

17- Ned ning sẽn yĩma n rɩ, maa a yũ, tɩ yẽ yaa sẽn loe noore, bɩ a pids a no-loeerã, tɩ ad yaa Wẽnd n rɩlg-a la a yũnug-a

18- M maana tigrã n lagem ne d zu-soab a Ʋmar ɭbn Al-hattaabe, (Wẽnd yard be a yĩnga) t'a yeele: bãmbã b yiibã yaa rasem Wẽn Tẽn-tʋʋmã (Wẽnd pʋʋsg la A tɩlgr be a yĩnga) sẽn gɩdg tɩ d ra loe-b noor b pʋgẽ, yãmb no-lokr raare, la raar a to wã, yaa kibs tɩ y rɩt y rũn-kootsã

19- Gẽes-y Laylat al-ƙadrã rasem-pi-yaoogã ra-lugmã pʋgẽ, Ramadaanã kiuug pʋgẽ

20- M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã

21- Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) tɩ rasem-pi-yaoogã sã n kẽ, a vɩɩmsda yʋngã ne tũudum la a nek a zakã rãmbã la a nidg pãnga n sẽbg a sʋka

22- Ned ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere