1- Ad Wẽnd zabda ra-taare, la muumim me zabda ra-taare, la Wẽnd ra-taarã zabre yaa muumim sẽn wat n maan Wẽnd sẽn gɩdgã

2- Wẽnd pʋlmɑ tʋʋm sõmbsã lɑ tʋʋm wẽnsã, rẽ poorẽ t'A vẽneg rẽ, rẽnd ned ning sẽn sɑɑgɑ yel-sõmde lɑ ɑ Kɑ mɑɑne, Wẽnd gʋlsd-ɑ-lɑ A nengẽ n kõ-ɑ yel-sõmd sẽn pidi, lɑ ɑ sã n sɑɑg-ɑ lɑ a mɑɑn-ɑ Wẽnd gʋlsd-ɑ-lɑ A nengẽ n kõ-ɑ yel-sõmd piigɑ n tʋg n tãɑg fãoob kobs-yopoe, n tʋg n tãɑg fãoob wʋsgo, lɑ sẽn sɑɑgɑ ne tʋʋm wẽngɑ lɑ ɑ Kɑ tʋm-ɑ Wẽnd gʋlsd-ɑ-lɑ A nengẽ yel-sõmd sẽn pidi, lɑ ɑ sã n sɑɑg-ɑ n mɑɑn-ɑ, Wẽnd gʋlsdɑme n kõ-ɑ yel-wẽng ɑ yembre

3- Ad Wẽnd ka get y naandã la y arzεkã ye, la ad A geta yãmb sũyã la y tʋʋmã

4- Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye

5- Ad Wẽnd tõe n yaoolga wẽgdã, t'A sã n wa yõk-a a ka põsgd-A ye

6- Yolsdbã, Arrahmaan Naab na n yols-b lame, yols-y sẽn be b tẽngã, tɩ sẽn be a saasẽ wã na n yolsa yãmba

7- Tõnd Soabã sigdame, -A Naam zẽkame- yʋng fãa, n wa dũni saasẽ wã, yʋngã sẽn pʋɩ tãab n yãk yembrã sã n wa ta a baasgã zĩigẽ

8- Pẽnes-y la y remse, la y bãng tɩ ad yãmb baa a yembr ka na n tõog n põs a tʋʋm yĩng ye». La b yeel yã Wẽnd Tẽn-tʋʋmã baa ne foom? La a yeele «Baa maam, sã n ka Wẽnd n na n lud maam ne yolsg sẽn yi A nengẽ la kũuni

9- Mam bee M yambã tẽ-sõng pʋga, M bee ne-a a sẽn wat n tẽegd Mam yʋʋrã

10- Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã

11- Yãmb a nebã, ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã

12- Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye

13- Adam-biig yagsa maam, la ka sõmb ne-a t'a rag n yags Maam ye, a tʋʋ Maam, la rẽ rag n ka sõmb ne-a ye

14- Ned ning sẽn wa n maana Mam noang beem, ad M segla a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye

15- Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye

16- rag n yɩɩme t'a sã n kẽ miisrã, a yetame: «Aʿʋʋzʋ Billaahɩ Al-ʿAẓɩɩm, Wabɩ waghɩhɩɩ Alkarɩɩm, wa sʋlṭaanɩhɩɩ Alƙadɩɩm, Min Aš-šayṭaan Arragɩɩm= m kota gũudum ne Wẽnd sẽn Zɩsã, la ne A Nengã sẽn yaa Wagellã, la A Naamã sẽn yaa kʋdrã, n yi a sʋɩtãan b sẽn lobã

17- Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã?

18- Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare

19- Wẽnd koonda tẽngã n wẽbg-a la A kool saagã ne A rɩtgo, rẽ poorẽ t'A yeele: Maam la Naabã, tẽngã nanamsã bεε?

20- rẽ yĩnga ka Soab ning sẽn da kẽnes-a a nao wã zugu dũni wã, Yẽ ka tar tõog n na n kɩt t’a kẽn a nengã zugu, yikr raarã?