1- ((پاقژی نیڤا باوەرییێیە، و (الحَمدُ لِلهِ) تەڕازییێ تژی دکەت و (سُبحانَ اللهِ وَالحَمدُ لِلهِ) ژی د ناڤبەرا ئەسمان و ئەردیدا تژی دكه‌ن - یان تژی دکەت -

2- ((پێنج تشت ژ خۆرستییێنه‌: سوننه‌تكرن، تڕاشینا وان مویێن ل دۆرێن عه‌وره‌تی هه‌ین، كورتكرنا سمبێلان، بڕینا نینۆكان و هه‌لكێشانا مویێن بنكه‌فشان))

3- ((سمبێلان باش كورت بكه‌ن و ڕیهان بهێلن))

4- هه‌ر كه‌سێ ده‌ستنڤێژه‌كا وه‌كی ڤێ ده‌ستنڤێژا من بگریت، پاشی دوو ڕكاعه‌تێن نڤێژێ بكه‌ت، وه‌سا كو خوشوع تێدا هه‌بیت و دلێ وی یێ ئاماده‌ بیت؛ هنگی خودێ دێ گونه‌هێن وی یێن بووری بۆ وی ژێبه‌ت

5- ((خودێ نڤێژا ئێك ژ هه‌وه‌ قه‌بویل ناكه‌ت ده‌مێ ده‌ستنڤێژا وی دشكێت، هه‌تا ده‌ستنڤێژێ نه‌گریت))

6- ((سیواك پاقژكه‌ره‌ بۆ ده‌ڤی و ئه‌گه‌ره‌ بۆ ڕازیبوونا خودێ))

7- ((هه‌ر كه‌سێ ده‌ستنڤێژه‌كا جوان و تازه‌ بگریت؛ دێ گونه‌هێن وی ژ له‌شێ وی ده‌ركه‌ڤن، هه‌تا دێ ژ بن نینوكێن وی ژی ده‌ركه‌ڤن))

8- ((پاقژی نیڤا باوەرییێیە، و (الحَمدُ لِلهِ) تەڕازییێ تژی دکەت و (سُبحانَ اللهِ وَالحَمدُ لِلهِ) ژی د ناڤبەرا ئەسمان و ئەردیدا تژی دكه‌ن - یان تژی دکەت -

9- وان بهێله‌، چونكی من هه‌ردوو پێیێن خۆ ب پاقژی (ب ده‌ستنڤێژ) كرینه‌ د ناڤ واندا

10- ئه‌ڤه‌ ڕه‌هه‌كه‌‌، به‌لكی تو ب قه‌ده‌ر وان ڕۆژێن ته‌ به‌ری نوكه‌ ب ده‌مێ زڤڕۆكا هه‌یڤانه‌ (حه‌یز) دگرتن نڤێژێ بهێله‌، پاشی سه‌رێ خۆ بشۆ و نڤێژا خۆ بكه‌))

11- ((ئه‌گه‌ر ئێك ژ هه‌وه‌ ده‌ستنڤێژ گرت، بلا ئاڤێ بكه‌ته‌ د دفنا خۆدا و پاشی ده‌ربێخیت، و هه‌ر كه‌سێ خۆ ب به‌ران پاقژ بكه‌ت بلا هژمارا به‌رێن خۆ بكه‌ته‌ تاك

12- ده‌مێ هوین چوونه‌ تاره‌تێ؛ به‌رێ خۆ نه‌ده‌نه‌ قیبلێ و پشتا خۆ ژی نه‌كه‌نێ، به‌لكی به‌رێ خۆ بده‌نه‌ لایێ ڕۆژهه‌لاتێ یان ڕۆژئاڤایێ

13- بلا كه‌س ژ هه‌وه‌ ل ده‌مێ میزكرنێ ئه‌ندامێ خۆ ب ده‌ستێ ڕاستێ نه‌گریت و بلا ب ده‌ستێ ڕاستێ پیساتییا خۆ پاقژ نه‌كه‌ت و بلا د ناڤ ئامانیدا هه‌ناسێ نه‌ده‌ت

14- پێغه‌مبه‌ر (صه‌لات و سه‌لامێن خودێ ل سه‌ر بن) ده‌مێ چووبا تاره‌تێ دگۆت: ((خودایێ من؛ ئه‌ز خۆ ب ته‌ دپارێزم ژ شه‌یتانێن نێر و مێ))

15- سالۆخه‌تێ سه‌رشویشتنا ژ به‌ر جه‌نابەتێ.

16- ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) سه‌رێ خۆ ژ به‌ر جه‌نابه‌تێ شویشتبا؛ ل ده‌ستپێكێ هه‌ردوو ده‌ستێن خۆ دشویشتن و ده‌ستنڤێژه‌ك دگرت وه‌كی وێ یا بۆ نڤێژێ دگریت، پاشی سه‌رێ خۆ دشویشت

17- ئه‌ز زه‌لامه‌ك بووم گه‌له‌ك مه‌زی ژ من دهات و من شه‌رم دكر پرسیارێ ژ پێغه‌مبه‌ری (صه‌لات و سه‌لامێن خودێ ل سه‌ر بن) بكه‌م، چونكی كچا وی ل ده‌ڤ من بوو (هه‌ڤژینا من بوو)، ڤێجا من فه‌رمان ل میقدادێ كوڕێ ئه‌سوه‌دی كر كو ئه‌و پرسیارێ ژێ بكه‌ت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((دێ ئه‌ندامێ خۆ یێ نێرینه‌ شۆت، پاشی دێ ده‌ستنڤێژێ گریت

18- ده‌ستنڤێژه‌كا وه‌كی یا پێغه‌مبه‌ری (صه‌لات و سه‌لامێن خودێ ل سه‌ر بن) بۆ وان گرت

19- ((ب تنێ به‌س بوو تو ب ده‌ستێن خۆ ئه‌ڤێ بكه‌ی))، پاشی هه‌ردوو ده‌ستێن خۆ ئێك جار ل ئه‌ردی دان و مه‌سحا ده‌ستێ چه‌پێ ل سه‌ر یێ ڕاستێ كر و پشتا ده‌ستێن خۆ و سه‌روچاڤێن خۆ پێ مه‌سح كرن

20- ((زه‌لامه‌كی ده‌ستنڤێژ گرت و هندی نینۆكه‌كێ ژ پێیێ خۆ هێلا (ئاڤ نه‌گه‌هشتبوویێ)، پێغه‌مبه‌ری ژی (صه‌لات و سه‌لامێن خودێ ل سه‌ر بن) دیت و گۆتێ: ((بزڤڕه‌ڤه‌ و ده‌ستنڤێژا خۆ ب جوانی بگره‌))، ئه‌و ژی زڤڕی و پاشی نڤێژا خۆ كر))

21- مه‌ ئه‌و ئاڤا شێلی و زه‌ر یا پشتی پاقژبوونا ژ زڤڕۆكا هه‌یڤانه‌ دهێت ب چ هژمار نه‌دكر

22- ((ب ته‌مه‌ت ده‌مێ زڤڕۆكا خۆ یا هه‌یڤانه بمینه و خۆ بگره‌‌، پاشی سه‌رێ خۆ بشۆ))

23- ((پێغه‌مبه‌ری (صه‌لات و سه‌لامێن خودێ ل سه‌ر بن) بۆ هه‌ر نڤێژه‌كێ ده‌ستنڤێژه‌ك دگرت

24- ((پێغه‌مبه‌ری (صه‌لات و سه‌لامێن خودێ ل سه‌ر بن) ده‌ستنڤێژ گرت و هه‌ر ئه‌ندامه‌ك جاره‌كێ شویشت))

25- ((پێغه‌مبه‌ری (صه‌لات و سه‌لامێن خودێ ل سه‌ر بن) ده‌ستنڤێژ گرت و هه‌ر ئه‌ندامه‌ك دوو جاران شویشت))

26- ((ئه‌گه‌ر ئێك ژ هه‌وه‌ هه‌ست ب تشته‌كی د زكێ خۆدا كر، و ل سه‌ر وی گران بوو كا ئه‌رێ تشته‌ك ژێ ده‌ركه‌ڤت یان نه‌؛ هنگی بلا ژ مزگه‌فتێ ده‌رنه‌كه‌ڤیت هه‌تا گوھ ل ده‌نگه‌كی نه‌بیت یان بێهنه‌ك نه‌هێتێ))

27- ((پێدڤییه‌ ل سه‌ر هه‌ر موسلمانه‌كی كو د هه‌ر حه‌فت ڕۆژاندا ڕۆژه‌كێ خۆ بشۆت، و د وێ ڕۆژێدا سه‌رێ خۆ و له‌شێ خۆ هه‌مییێ بشۆت))

28- ((ئه‌ز هاتمه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) دا كو ببمه‌ موسلمان، ڤێجا فه‌رمان ل من كر كو ئه‌ز سه‌رێ خۆ ب ئاڤ و سیدرێ بشۆم))

29- ئه‌ز د گه‌ل پێغه‌مبه‌ری بووم (صه‌لات و سه‌لامێن خودێ ل سه‌ر بن) و ئه‌و چوو سه‌ر گلێشێ هنده‌ك كه‌سان و ده‌ستنڤێژا خۆ یا زراڤ ژ پیاڤه كر‌‌،