1- Tẽegd-y Alkʋrãan-kãngã, tɩ mam wẽenda ne a Mohammad yõorã sẽn be Naab ning nugẽ wã, ad Alkʋrãanã n yɩɩd fãagr ne yʋgemd sẽn be a baarẽ

2- Yãmb sõma sẽn yɩɩda soaba, yaa ned ning sẽn karem Alkʋrãanã la a wilg-a

3- Ra rɩk-y y zagsã n maan tɩ yaa yaad ye, ad sʋɩɩtãanã zoetame n basd zak ning b sẽn karem Al-Baƙara a pʋgẽ

4- Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa

5- Ned ning sẽn karema gʋls-biig a yembr Wẽnd Gafẽ wã, ad a tara yel-sõmd ne-a, la yel-sõmdã me fãoogda piig bilgri

6- Nɑbiyɑɑmã (Wẽnd pʋʋsg la A tɩlgr be a yĩnga) ra yɩɩme n tẽegd Wẽnd yʋʋrã yelle, a wakat-rãmbã fãa pʋgẽ

7- Wẽnd yeelame, (A Naam zẽkame); Mam pʋɩɩ Pʋʋsgã Maam la M yambã sʋka, boɑg a yiibu, la Mam yambã, a sẽn kos bũmb ningã fãa, M na kõ-a

8- m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ

9- Muumin ning sẽn karemda Alkʋrãanã bilgri, yaa wala Ʋtrʋga tɩ-bila, a yũugã noomame la a rɩɩbã me noomame, la muumin ning sẽn ka karemda Alkʋrãanã bilgri yaa wala tamarʋ bila, a ka tar yũug ye la a rɩɩbã noomame

10- Dũni wã ka yikdi halɩ tɩ wĩntoogã wa tʋg n puk a sẽn lʋɩtẽ wã, rẽnd a sã n wa tʋg n puk a sẽn lʋɩt zĩig ningã, tɩ nebã yã-a, b fãa gill na n kõo sɩda

11- B na n waa ne kũum t’a wõnd pesg sẽn tẽgse

12- ra sɩdg-y bãmbã la ra yags-y-b me ye, la yeel-y» : «{Tõnd kõo sɩd ne Wẽnde, la b sẽn sik n kõ tõndã}

13- Nabiyaamã, (Wẽnd pʋʋsg la A tɩlgr be a yĩnga), a ka mi Sʋʋra tεka, halɩ tɩ {Bismillahɩ Arrahmaani, Arrahiimi}. wa sig a zugu

14- B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ

15- tɩ bãmb rag n yɩɩme n reegd Wẽnd Tẽn-tʋʋma (Wẽnd pʋʋsg la A tɩlgr be a yĩng) nengẽ Aayae-rãmb piiga, rẽnd bãmb ka rag n leb n reegd Aayae-rãmb piiga a taaba, halɩ tɩ bãmb wa tʋg n bãng piig ning bãmb sẽn reegã, bũmb ning sẽn be a pʋgẽ, sẽn yaa bãngre la b leb n tʋm ne-ba

16- a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri

17- Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}

18- Yahuud-rãmbã yɑɑ b sẽn gẽ-b rãmbɑ, la Nasaar-rãmbã yaa menemdbɑ

19- rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba

20- ad fo sẽn yet bũmb ninga la f boond n tʋgdẽ wã be neere, la fo sã n da kõ tõnd kibare, tɩ tõnd sẽn da maan tʋʋm ningã tara yaafa

21- yãmb ɑ neba! Ad Wẽnd sεεsa zɩɩlem sasa yεlã n bas yãmbã, la ɑ wug-m-menga ne yaab-rãmbã

22- {Rẽ poorẽ b na sok yãmba, raaren-kãngã, neema wã yelle.}