1- Kenn ci yéen du gëm, ndare mu bëggal mbokkam li mu bëggal boppam

2- Yàlla bind na Ag rafetal ci bir yépp

3- bokk na ci li fi nit ñi fekk ci waxi Yonnente ya jiitu: boo amul looy rus defal lu la neex

4- baax mooy: rafet jikkó, bàkkaar mooy liy dengi-dengi ci sa dënn, nga bañ nit ci gis ko

5- bu nit ki bëggee mbokkam na ko wax ne da koo bëgg

6- yal na Yàlla yërëm waa joo xam ne dafay yaatu bu dee jaay, ak budee jenn, ak buy fàyyeeku

7- am na benn waay bu doon lebal nit ñi, daan wax ndawam la naan ko: boo demee ci ku am jafe-jafe nanga ko jéggal, amaana Yàlla jéggal nu

8- Yàlla bind na rafetal ci mbir yépp

9- bul mer

10- way-maandu ñi de fa Yàlla danañu nekk ci kaw i minbari leer, nekk ca ndeyjooru Yàlla Aji-Yërëme ju màgg ji te tedd te yaari loxoom yépp ndeyjoor la

11- ku ñu ag ñeewant xañees na ko aw yiw

12- Bul xeeb dara ci lu baax, donte dangay dajeek sa mbokk won ko kanam gu bélli

13- am doole nekkul ci bëre daan, waaye ku am doole mooy kiy tëye boppam bu meree

14- Ku tegtale ci lu baax, dina am pay gu mel ni li ki ko def am

15- képp ku gëm Yàlla ak bis bu mujj ba nay wax yiw mbaa mu noppi

16- ku dul yërëm nit ñi Yàlla mu kawe mi du ko yërëm

17- Laaj nañu Yónente bi -yal na ko Yàlla dolli xéewal ak mucc- lan mooy li ëpp luy duggal nit ñi àjjana, mu wax ne: «ragal Yàlla ak rafet jikko

18- kersa ci ngëm la bokk

19- dénk naa leen dëggu, ndaxte dëggu day jur ag mbaax, te ag mbaax day jur àjjana

20- ku aar deru mbokkam Yàlla aar kanamam ci sawara ëllëg bis-pénc

21- Yàlla dafa bëgg jaam bu ko ragal, bu doylu, bu nëbbu

22- ki gën a mat ug ngëm ci jullit ñi mooy ki ci gën a rafet jikko, te ki gën ci yéen mooy ki gën ci ay jigéenam

23- def ndànk du am ci dara lu dul ne dana ko taaral, waaye du ñàkk ci dara it lu dul ne dana ko ñaawal

24- aji-gëm ji jikkoom ju rafet danako may mu am darajay Aji-woor ak kiy taxaw di julli

25- ñi gën ci yéen mooy ña ca gën a rafet jikkó

26- yomballeen te buleen jafeel, bégleleen te buleen dàqaate

27- ñiy yërëme Aji-Yërëme ji dana leen yërëm, yërëmleen waa suuf, kon ka ca kaw asamaan dana leen yërëm

28- jaam bi du suturaal ab jaam ci àdduna lu dul ne Yàlla dana ko suturaal ëllëg bis-pénc

29- lu baax mooy rafet jikkó, lu bon mooy luy dengi-dengi ci sa dënn, nga bañ nit ñi gis ko

30- bokk na ci li fi nit ñi fekk ci waxi Yonnente ya jiitu: boo amul looy rus defal lu la neex

31- Kenn ci yéen du gëm, ndare mu bëggal mbokkam li mu bëggal boppam

32- amul dara lu gën a diis ci màndxem jullit bi ëllëg bis-pénc jikko yu rafet, te Yàlla dafa bañ ku ñaaw i wax ñaaw i jëf

33- jullit mooy ki nga xam ne jullit ñi mucc nañu ci làmmiñam ak ci loxoom,gàddaaykat nag mooy ki gàddaay li Yàlla araamal ci moom

34- aji-gëm nekkul kiy jamaate, walla kiy rëbbaate, mbaa kiy def ñaawteef, walla aji-bon lammiñ ji

35- buleen soxorante, buleen worante, buleen bañante, buleen dummooyoonte, bu kenn ci yéen jaay ci kaw njaayu keneen, nangeen nekk ay mbokk

36- ñi ma gën a bëgg ci yéen, te gën maa jege ëllëg bis-pénc, ñooy ñi gën a rafet jikkó ci yéen

37- Nekkul woon ku ñaaw i wax du caagine ay jëf, du caagine kuy coow ci ja yi, (marché)te daawul fayantoo lu ñaaw, waaye day baale di jéggale

38- dañu ma a yónni ngir ma mottali jikkó yu tedd yi