1- Ana namsalile ya sambi syekulungwa?

2- Sambi syekulungwakulungwa ni: kumphwatikanya Mlungu ni ikandu ine,kunyosya achinangolo wawili, kuwulaga mundu pangali magongo gakundisidwa pa chisilamu, nikulumbila mu lina lya Mlungu mwa unami pakusaka kwasokonesya wane

3- Naga asilam wawiri ali asimene niipula yawo nikuti wakuwulaga niwakuwulajidwa wosope takajinjile ku moto

4- Allah jwangalolaga ngope syenu, kapena chipanje chenu,nambo kuti asalolaga mumtima mwenu nimasengo genu

5- Kapolo jwangu atesile sambi nujuwechete kuti Ambuje mlungu ngululuchilani sambi syangu

6- Wandu wakutenda chilungamo kwa Allah takawe m'ma mwimbali gakuwala,kumbali ja nkono wakumlo, wa

7- Ana nkumanyilila kuti Kiba nichichi?» Maswahaba gatite kuti Allah ni mtume jwakwe niwakumanyilila,nimtume jwatite kuti: «kwasala ajenu ichindu yakuti tiyasakalisye

8- Wandu tachiwa ali nkupata ipange ya Allah m'matala gakulemuchika, nambo takajinjile ku moto pa lisiku lya Qiyama

9- Chambone chine chachili chose jiwele sadaqa chakupeleka chaulele

10- (Mkasimganandiyaga masengo galigose gambone namta mose kuli kusimana ni mlongo mjenu msilamu ningope jakusangalala gele soni gawele masengo gambone)

11- Mundu jwa machili ngawa nijwasajangula kupya mtima iyayi nambo jwamachili nijwasaukamula mtima wakwe pandayi ja atumbile

12- Mundu juchamlongole mjakwe ku ichindu yambone asawa nimalipilo mpela jwakamwile masengogo

13- Nkasimwatukana wandu wawe, ligongo jemanjawo wapite ku ichindu yawatumisye

14- Yangakundisidwa mundu kutumbililana nimjakwe kwakupunda masiku gatatu, kuwaga ali nkusimana nikugalawuchilanaga misana ngakolangana, nambo wambone mwa jemanjawo niwachatandisye kwapa ajawo salaam

15- (Ngajakwinjila kumbepo mundu julijose jwakata ulongo)

16- Mundu jutawe kapilikoni ngajakwinjila ku mtendele

17- Wakusaka kuti atupiye yakupata yawo soni nikulewuya umi wawo alumbikanyeje ma ulongo

18- Ndayi jasawa kapolo chiwandi ni mlungu jwakwe ni ndayi jali kapolo pa sijida, nitupiyagani ma duwa (kuwenda) naga mli pelepo

19- Wataleche ngatendela chanasa wandu Allah ngawatendela chanasa

20- Wandu wali wakutumbilidwa mnope ni Allah niwandu wasakonda ukangani mnope

21- Malowe gali gakunonyeledwa kwa Allah gapali mcheche:Subhaanalla, Al-hamdulillah, Laa ilaaha illallah, Allah Akbar, pangali vuto kutanda nigane gagaligose

22- Jwausidwe mtume chanasa ni utendele wa Allah iwe pa jwelejo, Ichindu itiyikatendekase wandu wajinji kwinjila ku mbepo, nimtume jwatite kuti: kumjogopa Allah nindamo syambone

23- Soni sili mbali jimo ja chikulupi

24- Duwa yeleyo ni iwele mapopelo

25- Malowe gawiri gakupepuka pa lulumi, nambo gakusitopa pa sikelo, gakunonyeledwa kwa Allah jwachanasa

26- Pangali chindu chakuchimbichika kwa Allah kumpunda duwa

27- Mundu juchatetesye uchimbichimbi wa nsilamu mjakwe Allah takatetesye ngope jakwe ku moto pa lyuwa lya Qiyama

28- Mundu jumpakana awechete kuti: Subhana Allah wa bihamudihi, kakwana makumi likumi (100) pa lisiku, ilewi yakwe ikusakululuchidwa namtamuno ili yaijinji sawu winji wa mesi ga nyasa

29- Mundu jumpaka awechete kuti: Laila Illa Allah Wahidahu laa Sharika lahu Lahul Mulku Wa Lahul Hamdu Wahuwa A'la Kulli Shaini Qadiru, mwakuwilisya kwakwana likumi limo

30- Mundu jwanti Mlungu akumsosela yambone,akusamtendaga kuwa jwakupikanichisya malamusi ga chipopelo,

31- Mlungu akusamnonyela kapolo jwakutenda malamusi gakwe nikuwambala yalekasisye, kapolo jwakusajikutila ni Mlungu kuwa jwakum'benda jwakwe kalikose, jwakulinanduya jwakusaka kusangalasya Mlungu jikape pa yakutenda yakwe

32- Mtume -chanasa ni utendele wa Mlungu iwe pa jwelejo- waji ali mkakukana kupochela chilichose chichakwete liungo lyambone

33- Wandu wakulupilila wakwete chikulupililo chakwanila, ni wandu wakwete ndamo syambone, wambone mwa jemanjawo niwali wambone kwa chim'masyeto wawo

34- Nditu upole wangawaga pa chindu chine chilichose, nakaweje kuti usachisalalisya chinducho, nikuti upole wangatyosyedwa pa chilichose, nakaweje kuti usachinyalaisya

35- Nditu Mlungu akusasangalala ni kapolo kum'bona ali mkulya chakulya, kumbesi kwakwe nikumyamika Mlungu, kapena ali mkumwa chakumwa, kumbesi kwakwe nikumyamika Mlungu

36- Nditu mundu jwakulupilila akusapataga malipilo gakulandana ni mundu jwakusawa ali mkutawa ni kwimaga chilo kupopela mtando wa ndamo syakwe syambone

37- nditu wambone mwa jenu manja ni wakwete ndamo syambone

38- Nditu Mlungu akusamlechelela mundu jwakutenda yakusakala,kuwichila pa ndawi jatachisaka kumpa ilagasyo,wangamlekaga mtando wakutupa kwa ilewi yakwe

39- Nganindeka pa nyuma pangu mayesero gakupweteka mnope kwa achalume, gakupunda achakongwe

40- Mpepusyeje ikachindu, nkasimkalalisyaga,mwasangalasyeje wandu mkasimwatisyaga

41- Mundu jumpakana awiche pa malo kaneko nikuwecheta kuti: Audhu bikalimat Allah At-tammat min sharri maa khalaqa-pangali chakusakala chilichose chimpaka chimtendechele mpaka kunyakuka kutyoka malo gelego

42- nditu yakuwajilwana Mlungu kutendeledwa ni wandu ni kuti wanduwo ampopeleje Mlungu jikape pali pangali kumphwatikanya ni chilichose. Sano yakuwajilana Mlungu kwatendela achikapolo naga ali atesile yakuwajilana kumtendela Mlungu, nikuti akaja kwapa ilagasyo wawaji ali mkakum'pwatikanya Mlungu ni ikandu ine

43- Mundu jumpaka chimpate chiwa ali jwangamphwatikanya Mlungu ni ichindu ine, takajinjile ku mbepo,nambo soni mundu jumpaka chimsimane chiwa ali kumphwatikanya Mlungu ni ichindu ine, takajinjile kumoto

44- Lyuwa lya mbesi, Mlungu tachisagula nikum'bilanga mundu jumo mu wandu wakuma mu likuga lyangu pa meso pa iumbe yosope kuti am'balanjisye masengo gakwe,

45- Mlungu pawagumbile Mbepo ni Moto,wamtumile Jubril- utendele wa Mlungu uwe pa jwelejo-

46- Ee mwe Mtume jwa Mlungu, une nganindeka sambi jine jilijose jamwana nanta muno jekulungwa nakaweje kuti najitesile".Ni Mtume watite kuti : "Ana ngawa mwe mwaichile umboni kuti pangali jwine jwakutindiwalidwa mwa chakuona niyikaweje Mlungu jumope basi nikuti soni Muhammad awele Mtume jwa Mlungu?