1- Kenn ci yéen du gëm, ndare mu bëggal mbokkam li mu bëggal boppam

2- Yàlla bind na Ag rafetal ci bir yépp

3- bokk na ci li fi nit ñi fekk ci waxi Yonnente ya jiitu: boo amul looy rus defal lu la neex

4- baax mooy: rafet jikkó, bàkkaar mooy liy dengi-dengi ci sa dënn, nga bañ nit ci gis ko

5- Ndax duma leen xibaar bàkkaar yi gën a mag?

6- bu nit ki bëggee mbokkam na ko wax ne da koo bëgg

7- moytuleen juróom-ñaar yiy alage

8- yal na Yàlla yërëm waa joo xam ne dafay yaatu bu dee jaay, ak budee jenn, ak buy fàyyeeku

9- am na benn waay bu doon lebal nit ñi, daan wax ndawam la naan ko: boo demee ci ku am jafe-jafe nanga ko jéggal, amaana Yàlla jéggal nu

10- Yàlla bind na rafetal ci mbir yépp

11- bul mer

12- way-maandu ñi de fa Yàlla danañu nekk ci kaw i minbari leer, nekk ca ndeyjooru Yàlla Aji-Yërëme ju màgg ji te tedd te yaari loxoom yépp ndeyjoor la

13- ku ñu ag ñeewant xañees na ko aw yiw

14- moytandikuleen njort; ndaxte njort mooy wax ji gën a nekk aw fen

15- Bul xeeb dara ci lu baax, donte dangay dajeek sa mbokk won ko kanam gu bélli

16- am doole nekkul ci bëre daan, waaye ku am doole mooy kiy tëye boppam bu meree

17- Ku tegtale ci lu baax, dina am pay gu mel ni li ki ko def am

18- ab ràmbaajkat du dugg àjjana

19- képp ku gëm Yàlla ak bis bu mujj ba nay wax yiw mbaa mu noppi

20- ku dul yërëm nit ñi Yàlla mu kawe mi du ko yërëm

21- Ki Yàlla gën a bañ ci nit ñi mooy noon bi gën a man a xulóo

22- Laaj nañu Yónente bi -yal na ko Yàlla dolli xéewal ak mucc- lan mooy li ëpp luy duggal nit ñi àjjana, mu wax ne: «ragal Yàlla ak rafet jikko

23- kersa ci ngëm la bokk

24- dénk naa leen dëggu, ndaxte dëggu day jur ag mbaax, te ag mbaax day jur àjjana

25- ku aar deru mbokkam Yàlla aar kanamam ci sawara ëllëg bis-pénc

26- Yàlla dafa bëgg jaam bu ko ragal, bu doylu, bu nëbbu

27- ki gën a mat ug ngëm ci jullit ñi mooy ki ci gën a rafet jikko, te ki gën ci yéen mooy ki gën ci ay jigéenam

28- def ndànk du am ci dara lu dul ne dana ko taaral, waaye du ñàkk ci dara it lu dul ne dana ko ñaawal

29- aji-gëm ji jikkoom ju rafet danako may mu am darajay Aji-woor ak kiy taxaw di julli

30- ñi gën ci yéen mooy ña ca gën a rafet jikkó

31- Yalla dana néggandiku tooñkat bi, ba bu ko jàppee du ko rëcc

32- yomballeen te buleen jafeel, bégleleen te buleen dàqaate

33- ñiy yërëme Aji-Yërëme ji dana leen yërëm, yërëmleen waa suuf, kon ka ca kaw asamaan dana leen yërëm

34- Yónente Yàlla bi -yal na ko Yàlla dolli xéewal ak mucc- tere na zulu

35- Nekkoon a nu ci Umar mu wax ne: "tere nañ nu toggoo lu metti

36- ñoom ñaar de ñoo ngi leen di mbugal, te sax mbugaluñu leen ci lu rëy, kenn ki moom daawul suturawu bu daan saw, keneen ki nag da daan dox di rambaaj

37- man de xam naa baat boo xam ne bu ko waxoon li muy yég deñ, bu waxoon: ahuusu bil Laahi minas Saytaani, kon li muy yég dem

38- jaam bi du suturaal ab jaam ci àdduna lu dul ne Yàlla dana ko suturaal ëllëg bis-pénc

39- lu baax mooy rafet jikkó, lu bon mooy luy dengi-dengi ci sa dënn, nga bañ nit ñi gis ko

40- bokk na ci li fi nit ñi fekk ci waxi Yonnente ya jiitu: boo amul looy rus defal lu la neex

41- Kenn ci yéen du gëm, ndare mu bëggal mbokkam li mu bëggal boppam

42- saaga ab jullig ag kàccoorte la, rayante ak moom ag kéefar la

43- amul dara lu gën a diis ci màndxem jullit bi ëllëg bis-pénc jikko yu rafet, te Yàlla dafa bañ ku ñaaw i wax ñaaw i jëf

44- Moytuleen tooñ, ndax tooñ ay lëndëm lay doon ëllëg bis-pénc, te ngeen moytu nay, ndaxte nay moo alag ña leen jiitu woon,

45- ndax xam ngeen kan mooy ki ñàkk?

46- ku ma waxal jenn wax te xam ne ay fen la, moom kenn la ci fenkat yi

47- Saytaane naagu na ci jullikat yi jaamu ko ci goxi araab yi, waaye ci jaxase seen diggante

48- góor du xool awray góor, jigéen it du xool awray jigéen

49- jullit mooy ki nga xam ne jullit ñi mucc nañu ci làmmiñam ak ci loxoom,gàddaaykat nag mooy ki gàddaay li Yàlla araamal ci moom

50- ku ma fenal te tay ko na waajal ab wàccuwaayam ca sawara

51- bokk na ci rafetug ngëmu nit ki: mu bàyyi lu ko amalul njariñ

52- aji-gëm nekkul kiy jamaate, walla kiy rëbbaate, mbaa kiy def ñaawteef, walla aji-bon lammiñ ji

53- wax nga kàddu gog bu ñu ko jaxase woon ak ndoxum géej gi mu jaxase ko

54- buleen soxorante, buleen worante, buleen bañante, buleen dummooyoonte, bu kenn ci yéen jaay ci kaw njaayu keneen, nangeen nekk ay mbokk

55- ñiy rëbbaate duñu nekk ay seede du caagine ay rammkat ëllëg bis-pénc

56- ñi ma gën a bëgg ci yéen, te gën maa jege ëllëg bis-pénc, ñooy ñi gën a rafet jikkó ci yéen

57- Nekkul woon ku ñaaw i wax du caagine ay jëf, du caagine kuy coow ci ja yi, (marché)te daawul fayantoo lu ñaaw, waaye day baale di jéggale

58- dañu ma a yónni ngir ma mottali jikkó yu tedd yi